adsense profits -ازاى تزود ارباحك من جوجل ادسنس-6 اساسيات مهمه

ازاى تزود ارباحك من جوجل ادسنس-6 اساسيات مهمه  

 

ياترى ايه اهم اسباب نجاح مدونتك وحصولك على الارباح العاليه جدا

انا هعرض وجهة نظرى وكل واحد يقرأ الموضوع ياريت يشاركنا حكايته وتجربته مع جوجل أدسنس .. أنا دخلت منتديات ومواقع أجنبيه دايما بيشاركوا بعض وبيفيدوا بعض فعلا وأى حاجه جديده بتنزل بيشاركوا بعض بيها ..

ازاى تزود ارباحك من جوجل ادسنس 

 أدسنس مثل لعبة الشطرنج لها قواعد أساسيه للفوز وأيضا لها مهارات خاصه

لكن للأسف بدخل المنتديات العربيه وبعض المدونات ولقيت أن كل المواضيع مكرره ومنسوخه من منتديات تانيه عشان كدا احنا تصنيفنا فى الأخر والمحتوى العربى على الانترنت هو أقل المحتويات على الإطلاق ومفيش جديد ولما تلاقى جديد تلاقيه اتنسخ فى كل المواقع العربيه ..جرب أنت وابحث عن اى حاجه هتلاقى 1000 موقع فيه نفس الموضوع بنفس الطريقه صوره طبق الاصل من الموضوع الاصلى ..لكن جرب ابحث بكلمه انجليزى وشوف الفرق بين الاتنين .. مش هطول عليكم وندخل فى الموضوع على طول ..

من رأيى الشخصى أن نجاح أى مدونه بيعتمد على بعض الأساسيات

1- المحتوى ثم المحتوى 

يكون من كتابتك انت وابداعك انت هتلاقى ان موضوعاتك الاصليه اتصدرت محركات البحث وهتلاقى جوجل بدأت تعرض عندك الإعلانات عاليه القيمه ..

2- تنسيق المواضيع

أهم حاجه أنك تنسق موضوعاتك وتقدمها بشكل جيد لأن فيه ناس كتير بتكتب مواضيع ومش بتنسق وشكل الصفحه مش بيكون حلو أبدا..

3- الاختيار الأمثل لأماكن الإعلانات

أهم حاجه أنك ازاى تختار مكان الاعلان يفضل انه يتحط فى اليمين لانه بيبقى قريب من ايد المستخدم لانه بيستخدم الماوس بايديه اليمين .شكل الاعلان نفسه ياريت تنوع فى الاشكال ومتسبش جوجل تختار لك يعنى نوع بين الاعلانات النصيه-صور الى اعلانات لنك فقط وهكذا ..وياريت شكل الاعلانات يكون متناسق مع شكل الصفحه يعنى غير فى كود الالوان بتاع الخلفيه والاطار والنص بما يناسب الوان صفحتك ويظهر اكنه جزء من صفحتك وليس ظاهرا كاعلان ..

4- الابتعاد عن المحتويات الغير اخلاقيه او التى تخالف سياسه جوجل

يعنى متحطش اغانى او فيديوهات او كتب او افلام لان دى بتقع تحت مخالفه بنود جوجل للاعلانات لانك بكدا بتسرق حقوق الملكيه لصاحب الفيديو او الاغانى الاصلى عشان كدا مسموح لك بانك تستعين بالفيديوهات بس من على موقع اليوتيوب 

5- الموازنه بين ارضاء الزائر وارباح جوجل

ازاى بقى يعنى تعمل مدونه يكون فيها توازن بالنسبه للمحتوى فى ايديك انك تحاول انك تخلى الزائر ينبسط من مدونتك ويحفظها عنده ويتابعها وفى ايديك انك تخليه يبعد وميهوبش ناحيتها تانى ...

6- الابداع فى اختيار الكلمات المفتاحيه للمواضيع

 وتكون لها علاقه بالمحتوى فعلا ..يعنى متروحش تعملى موضوع عن الكوره وتكتبلى فى المفاتيح هيفاء وهبى هههه

وخد ده موقع هيساعدك فى انك تلاقى الكلمات الافضل والاكثر بحثا 

Keyword tool

حاجات كتير جدا بس مش بناخد بالنا منها ..سيتم ان شاء الله اضافه الجديد والمزيد 

تابعونا 

اللى عنده اقتراحات يقدر يقولنا